Կառավարությունը նախաձեռնել է տարբեր ծրագրեր (Միջոցառումներ)` դիմակայելու COVID-19 տնտեսական և սոցիալական ազդեցությանը:

Միջոցառումներ, որոնք նախատեսում են որոշ վճարումների հետաձգում, ներառյալ` հարկեր և սոցիալական վճարներ.

• Հարկերի վճարման ուշացման դեպքում, հարկատուի կողմից յուրաքանչյուր չվճարված օրվա համար սահմանված 0.075% տույժը փոխարինվել է 0.04%-ով:
• Այսուհետև հարկ վճարողների գույքի բռնագանձման հիմքը կկազմի 1,5 մլն ՀՀ դրամ (մոտ 2,777 եվրո) կամ ավելին՝ չկատարված հարկային պարտավորության գումարի չափից (նախկին 500 հազար դրամի կամ ավելիի փոխարեն (մոտ 925 եվրո)): Այս ծրագրի նպատակն է բարձրացնել չվճարված պարտավորությունների շեմը, քանի որ տնտեսվարող սուբյեկտները COVID-19-ի հետ կապված ֆինանսական դժվարություններ ունեն:
• 07.05.2020թ.-ի դրությամբ որոշ գյուղատնտեսական և բժշկական ապրանքների ներմուծումն ազատվել է մաքսատուրքերից: Պետեկամուտների կոմիտեն զեկուցել է, որ որոշ ապրանքների ներմուծումը Եվրասիական տնտեսական միության տարածք ազատվել է մաքսատուրքերից՝ որպես կորոնավիրուսի կանխարգելման միջոցառումների մի մաս:

• Միջոցառում #1 Համաֆինանսավորում, վերաֆինանսավորում, սուբսիդավորում (թիրախը սահմանվում է ըստ ծախսի նպատակի)

  Շահառուները վարկային և հարկային դրական պատմություն ունեցող տնտեսվարող սուբյեկտներն են: Յուրաքանչյուր տնտեսվարող սուբյեկտ իրավունք ունի ստանալու աջակցության հետևյալ մեթոդներից միայն մեկը: ՓՄՁ-ները կարող են աջակցություն ստանալ` որոշակի նպատակներով (աշխատավարձ, հարկեր, տուրքեր և պարտադիր վճարներ, հումք, սարքավորումներ, կոմունալ, սնունդ) վարկ ստանալու համար դիմելով Հայաստանի առևտրային բանկերից կամ վարկային կազմակերպություններից մեկին:

  • Համաֆինանսավորման նպատակն է լուծել գրավի պակասի խնդիրն ու բարելավել վարկավորման այլ պայմանները,
  • Վերաֆինանսավորման նպատակն է լուծել արտարժութային ռիսկի խնդիրը և բարերավել վարկավորման այլ պայմանները,
  • Սուբսիդավորման նպատակն է լուծել տոկոսադրույքի խնդիրը և բարելավել վարկավորման այլ պայմանները:

  Պայմանները վավերական են մինչև 250 մլն ՀՀ դրամին համարժեք վարկերի համար (մոտ 462,167 եվրո): Դիմել՝ բանկերի և վարկային կազմակերպությունների միջոցով:

  Կարդալ ավելին

• Միջոցառում #2 Տոկոսադրույքի սուբսիդավորում գյուղատնտեսության համար (կոոպերատիվ տնտեսությունների համար՝ համաֆինանսավորման տեսքով, ներառյալ` ֆինանսական լիզինգը)

  Շահառուներն են ռեզիդենտ, վարկային և հարկային լավ հաշվետվություններ ունեցող տնտեսվարող սուբյեկտները և անհատները, ինչպես նաև գյուղատնտեսական ոլորտը ներկայացնող կոոպերատիվ տնտեսությունները: Աջակցությունը տրամադրվում է տոկոսադրույքների սուբսիդիայի տեսքով. կոոպերատիվ տնտեսությունների համար՝ համաֆինանսավորման տեսքով, ներառյալ` բոլոր տեսակի գյուղատնտեսական նպատակներին վերաբերող ֆինանսական լիզինգը:

  Դիմել՝ բանկերի և վարկային կազմակերպությունների միջոցով:

  Կարդալ ավելին

• Միջոցառում #3 Վարկեր (2.5-50 մլն ՀՀ դրամ (մոտ 4,621-92,433 եվրո)` կախված շրջանառության ծավալից)

  Թիրախավորել վարկային և հարկային լավ պատմություն ունեցող (օրինակ` դիմումը ներկայացնելու օրվան նախորդող 365 օրերի ընթացքում ոչ մի վարչական հարուցված վարույթ չունեցող) տեղական տնտեսվարող սուբյեկտներին, ՓՄՁ-ներին, որոնք գործում են հետևյալ ոլորտներում:

  • մշակող արդյունաբերություն,
  • կացություն և հանրային սննդի կազմակերպում,
  • փոխադրումներ և պահեստային տնտեսություն,
  • զբոսաշրջային ծառայություններ,
  • սպասարկման այլ ծառայություններ,
  • առողջապահություն:

  Դիմումատուն պետք է ունենա.

  • 2019թ․ շրջանառություն՝ նվազագույնը 24 մլն դրամ, առավելագույնը՝ 500 մլն դրամ (մոտավորապես 44,368-924,334 եվրո),
  • 2019թ. յուրաքանչյուր եռամսյակի շրջանառությունը՝ ոչ պակաս, քան տարեկան շրջանառության գումարի 10%-ը:

  Վարկի առավելագույն գումարը` 50 մլն ՀՀ դրամ (մոտավորապես 92,433 եվրո), տոկոսադրույքը առաջին երկու տարիների համար՝ 0%, 12%՝ երրորդ տարվա համար:

  Դիմումները պետք է ներկայացվեն ՀՀ էկոնոմիկայի նախարարության Ներդրումների աջակցման կենտրոն:

  Էկոնոմիկայի նախարարություն

  Ներդրումների աջակցման կենտրոն

  Կարդալ ավելին

• Միջոցառում #5 Միանվագ դրամաշնորհ

  Ծրագիրը վերաբերում է 2-50 աշխատող ունեցող ՓՄՁ-ներին, որոնք 01.01.2020-01.04.2020 ժամանակահատվածում չեն կրճատել աշխատավարձային ֆոնդը:

  Տրամադրվում է միանվագ դրամաշնորհ` յուրաքանչուր հինգերորդ աշխատակցի աշխատավարձի չափով:

  Պոտենցիալ շահառուներ՝ ավելի քան 12,000 ձեռնարկություններ:

  Պետական եկամուտների կոմիտեն դիմումները մշակում է ավտոմատ համակարգով:

  Կարդալ ավելին